ജുമാന ഖാന് 10മില്യണിലേക്ക്
യു.എ.ഇയിലെ ഏറ്റവും വിലപിടിപ്പുള്ള, ഏറ്റവും കൂടുതല് ഫോളവേഴ്സ് ഉള്ള ടിക്ടോക്കറാണ് ജുമാന ഖാന്.
നിലവില് 91ലക്ഷത്തിലേറെ ആരാധകരെ സമ്പാദിച്ച് ഇമാറാത്തിലെ ഏറ്റവും കൂടുതല് ഫോളോവേഴ്സുള്ള താരമെന്ന പദവിയില് തുടരുകയാണിവര്. ഇവരുടെ ഭര്ത്താവ് തൃശൂര് സ്വദേശിയായ അജ്മല് ഖാനും ടിക്ടോക്കറാണ്. ലോകത്തിലെ ഏറ്റവും ഉയരം കൂടിയ ബുര്ജ് ഖലീഫയില് പ്രശസ്തരായ പലരുടെയും ചിത്രങ്ങള് പ്രദര്ശിപ്പിക്കാറുണ്ട്.
ഇന്ത്യയില് നിന്ന് ആദ്യമായി ഷാരൂഖ് ഖാന്റെ ചിത്രമാണ് പ്രദര്ശിപ്പിച്ചത്. അതിന് ശേഷം ബുര്ജ് ഖലീഫയില് ചിത്രം തെളിഞ്ഞ താരമാണ് ജുമാന. 150ലേറെ രാജ്യങ്ങളില് ഫോളോവേഴ്സുണ്ട്. ആരാധകരില് മിക്കവര്ക്കും ഇവര് മലയാളിയാണെന്ന് അറിയില്ലെന്നതാണ് സത്യം.
ചിത്രം കണ്ട് ചിലര് ഇവര് ഉത്തരേന്ത്യക്കാരിയെന്ന് വിശ്വസിക്കുമ്പോള് മറ്റു ചിലര് തങ്ങളുടെ പ്രിയതാരം പാകിസ്താനിയാണെന്ന് തര്ക്കിക്കുന്നു. പേരിലെ ഖാന് ഈ വിശ്വാസത്തിനും തര്ക്കത്തിനും ബലം പകരുന്നു. എന്നാല് ഭര്ത്താവിന്റെ പേരില് നിന്നാണ് ജുമാനക്ക് ‘ഖാന്’ കിട്ടിയത്.