ടെസ്റ്റ് റാങ്കിങ്ങില്‍ ഇന്ത്യയ്ക്ക് ഒന്നാം സ്ഥാനം

മുംബൈ: ന്യൂസിലന്‍ഡിനെതിരെ വാങ്കഡെ സ്റ്റേഡിയത്തില്‍ നടന്ന രണ്ടാമത്തെയും അവസാനത്തെയും ടെസ്റ്റില്‍ 372 റണ്‍സിന്റെ തകര്‍പ്പന്‍ ജയം ഇന്ത്യ ഐസിസി ടെസ്റ്റ് ടീം റാങ്കിംഗില്‍ ഒന്നാം സ്ഥാനത്ത് എത്തിച്ചു. പരമ്പര 1-0ന് ജയിച്ചതോടെ റാങ്കിങ്ങില്‍ ഇന്ത്യ കിവീസിനെ പിന്നിലാക്കി. 124 പോയിന്റുമായി ഇന്ത്യ മുന്നിലും കിവീസ(121) തൊട്ടുപിന്നിലും. ഓസ്‌ട്രേലിയ (108), ഇംഗ്ലണ്ട് (107) എന്നിവര്‍ ആദ്യ നാല് സ്ഥാനങ്ങളില്‍ എത്തി.

ഈ വര്‍ഷമാദ്യം നടന്ന ലോക ടെസ്റ്റ് ചാമ്പ്യന്‍ഷിപ്പിന്റെ ഉദ്ഘാടന പതിപ്പിന്റെ ഫൈനലില്‍ ബ്ലാക്ക് ക്യാപ്സിന്റെ തോല്‍വിക്ക് ഇന്ത്യ പ്രതികാരം ചെയ്തു. മികച്ച പ്രകടനമാണ് ഇന്ത്യ ബൗളിങ്ങിലും ബാറ്റിങ്ങിലും നടത്തിയത്.