ഡല്ഹി: ഡല്ഹിയില് നാല് പേര്ക്ക് കൂടി ഒമിക്രോണ് വൈറസ് സ്ഥിരീകരിച്ചു. ഡല്ഹിയില് ഇതുവരെ ആറ് പേരിലാണ് ഒമിക്രോണ് കണ്ടെത്തിയത്. ഇതോടെ രാജ്യത്തെ ആകെ ഒമിക്രോണ് ബാധിതരുടെ എണ്ണം 45 ആയി ഉയര്ന്നു.
നേരത്തെ, ദക്ഷിണാഫ്രിക്കയില് നിന്നും വന്ന ഒരു ഗുജറാത്ത് സ്വദേശിക്ക് കൂടി രോഗബാധ കണ്ടെത്തിയിരുന്നു. കെനിയ,അബുദാബി വഴി ഡല്ഹി വിമാനത്താവളത്തില് എത്തിയ ഇദ്ദേഹത്തിന് ആദ്യം നടത്തിയ പരിശോധനയില് കോവിഡ് നെഗറ്റീവ് ആയിരുന്നു ഫലം.