ജമ്മുകശ്മീരില് ആറ് ഭീകരരെ സുരക്ഷാ സേന വധിച്ചു. രണ്ട് ഇടങ്ങളില് നടന്ന പോരാട്ടത്തിലാണ് രണ്ട് പാകിസ്ഥാന് ഭീകരരടക്കം ആറ് പേരെ വധിച്ചത്. അനന്ത് നാഗിലും കുല്ഗാമിലും നടന്ന വെടിവെയ്പ്പിലാണ് ഭീകരരെ വധിച്ചത്.കൊല്ലപ്പെട്ട ഭീകരരില് രണ്ട് പേര് പാക്കിസ്ഥാനില് നിന്നെത്തിയവരാണെന്ന് കാഷ്മീര് ഐജിപി അറിയിച്ചു.
കുല്ഗാമിലാണ് സൈന്യവും ഭീകരരും തമ്മില് ആദ്യം ഏറ്റുമുട്ടല് നടന്നത്. ബുധനാഴ്ച കുല്ഗാമിലെ മിര്ഹാമ മേഖലയിലാണ് ഏറ്റുമുട്ടലുണ്ടായത്. ഏറ്റുമുട്ടലില് ഒരു പോലീസുകാരന് പരിക്കേറ്റു. മേഖലയില് തെരച്ചില് തുടരുകയാണ്.