ഡല്ഹി ;രാജ്യത്ത് 18 വയസ്സിനു മുകളിലുള്ളവര്ക്കെല്ലാം അധിക ഡോസ് കോവിഡ് വാക്സിന് നല്കുന്നത് സര്ക്കാര് പരിഗണനയില്. ലോകത്തിന്റെ പല ഭാഗങ്ങളിലും പുതിയ തരംഗത്തിന്റെ ലക്ഷണങ്ങള് കണ്ടുവരുന്നതും അന്താരാഷ്ട്ര യാത്ര നിയന്ത്രണങ്ങളില് ഇളവു വരുത്തുന്നതും കണക്കിലെടുത്താണ് ഈ നീക്കം.
ആരോഗ്യ പ്രവര്ത്തകര്, മറ്റു മുന്നിര പ്രവര്ത്തകര്, 60 വയസ്സിനു മുകളിലുള്ളവര് എന്നിവര്ക്കാണ് നിലവില് മുന്കരുതല് ഡോസ് നല്കിവരുന്നത്. മറ്റ് അസുഖങ്ങളുള്ളവര് എന്ന നിബന്ധന എടുത്തുകളഞ്ഞതിനു ശേഷം 60 വയസ്സു കഴിഞ്ഞ മുഴുവന് പേര്ക്കും മൂന്നാംഡോസ് നല്കുന്നുണ്ട്.