![“Manju”](https://santhigirinews.org/wp-content/uploads/2020/04/YOUTUBE.jpg")
മുന്‍ ഡാലസ് കൗബോയ്സ് റണ്ണിംഗ് ബാക്ക് മരിയോണ്‍ ബാര്‍ബറെ (38) ഡാലസ് ഫ്രിസ്‌കോ അപ്പാര്‍ട്ട്മെന്റില്‍ മരിച്ച നിലയില്‍ കണ്ടെത്തി. ബാര്‍ബറുടെ മരണം കൗബോയ്സ് ടീം സ്ഥിരീകരിച്ചു. രണ്ടു ദിവസം മുമ്പാണ് മറ്റൊരു എന്‍.എഫ്.എല്‍. പ്ലെയര്‍ ഡാലസില്‍ കാറപകടത്തില്‍ കൊല്ലപ്പെട്ടത്.
ബാര്‍ബര്‍ ലീസ് ചെയ്തിരുന്ന ഫ്രിസ്‌കോ സ്ട്രാറ്റണ്‍ ഡ്രൈവിലുള്ള അപ്പാര്‍ട്ട്മെന്റില്‍ നിന്നും ലഭിച്ച ടെലിഫോണ്‍ കോളിനെ തുടര്‍ന്നാണ് ബുധനാഴ്ച ഉച്ചയ്ക്ക് 2.30 പോലീസ് എത്തിയത്. പരിശോധനയില്‍ അദ്ദേഹം മരിച്ച നിലയിലായിരുന്നുവെന്ന് പോലീസ് പറഞ്ഞു. മരണ കാരണം വ്യക്തമല്ല.
2005 മുതല്‍ 2011 വരെ ഡാലസ് കൗ ബോയ്സിനുവേണ്ടി കളിച്ചിരുന്ന ബാര്‍ബര്‍ അടുത്ത സീസണില്‍ നോര്‍ത്ത് ടെക്സാസ്സിലായിരുന്നു. മാരിയോണ്‍ ദി ബാര്‍ബേറിയനെന്നാണ് ഇയാള്‍ അറിയപ്പെട്ടിരുന്നത്. ഷിക്കാഗോ ബെയേഴ്സിന് വേണ്ടിയും ബാര്‍ബര്‍ കളിച്ചിട്ടുണ്ട്. ഇപ്പോള്‍ എന്‍.എഫ്.എല്ലില്‍ (നാഷണല്‍ ഫുട്ബോള്‍ ലീഗ്) നിന്നും വിരമിച്ച്‌ നോര്‍ത്ത് ടെക്സസില്‍ താമസിക്കുകയായിരുന്നു.
