കാറിലിരുന്ന് ചൂടേറ്റ് രണ്ടു വയസുകാരന്‍ മരിച്ചു

അലബാമ: ഈസ്റ്റ് അലബാമയില്‍ ബ്ലോന്റ് കൗണ്ടിയില്‍ രണ്ടു വയസുകാരനെ കാറില്‍ ചൂടേറ്റ് മരിച്ച നിലയില്‍ കണ്ടെത്തി.അമേരിക്കയില്‍ ഈ വര്‍ഷം കാറിലിരുന്ന് ചൂടേറ്റ് മരിക്കുന്ന കുട്ടികളുടെ എണ്ണം 27 ആയി. അലബാമയിലെ ആദ്യമരണമാണ് ഈ രണ്ടുവയസ്സുകാരന്റേത്.
75 സ്റ്റേറ്റ് ഹൈവേയില്‍ കുട്ടികളുടെ ഡെ കെയര്‍ ക്യാമ്ബസിന് സമീപം പാര്‍ക്ക് ചെയ്തിരുന്ന കാറിലായിരുന്നു മൃതദ്ദേഹം. കുട്ടി ഈ ഡെകെയറിന്റെ സംരക്ഷണത്തിലല്ലായിരുന്നുവെന്ന് പോലീസ് പറയുന്നു. എത്രസമയം കുട്ടി കാറിലുണ്ടായിരുന്നുവെന്ന് പറയാന്‍ കഴിയില്ലെങ്കിലും ഒരു ദിവസം മുഴുവന്‍ കാറിലിരുന്നുവെന്നാണ് പോലീസിന്റെ പ്രഥമനിഗമനം.
കുട്ടികളെ കാറില്‍ കൊണ്ടുപോകുമ്ബോള്‍ പുറത്തിറങ്ങുന്ന സമയം ബാക്സീറ്റ് പരിശോധിക്കണമെന്നും, കുട്ടികളോ, അനിമല്‍സോ ഇല്ലായെന്ന് ഉറപ്പാക്കണമെന്നും ഷെറിഫ് ഓഫീസ് മുന്നറിയിപ്പു നല്‍കി.
2021 ആകെ റിപ്പോര്‍ട്ട് ചെയ്യപ്പെട്ട മരണം 23 ആയിരുന്നുവെന്നും എന്നാല്‍ 2022ല്‍ ഇതുവരെ 27 കുട്ടികള്‍ കാറിലിരുന്ന് ചൂടേറ്റ് മരിച്ചിട്ടുണ്ടെന്നും കണക്കുകള്‍ സൂചിപ്പിക്കുന്നു.