ന്യൂഡല്ഹി: രാജ്യത്ത് കോവിഡ് ബാധിതരുടെ എണ്ണം കുതിച്ചുയരുന്ന സാഹചര്യത്തില് പ്രധാനമന്ത്രി നരേന്ദ്ര മോദിയുടെ നേതൃത്വത്തില് ഉന്നതലയോഗം ചേര്ന്നു. കാബിനറ്റ് സെക്രട്ടറി, പ്രിന്സിപ്പല് സെക്രട്ടറി, ആരോഗ്യ സെക്രട്ടറി എന്നിവരാണ് യോഗത്തില് പങ്കെടുത്തത്.
രാജ്യത്തെ കോവിഡ് വ്യാപനം ശക്തമാകുന്നതും വാക്സിനേഷന് പുരോഗമിക്കുന്നതും യോഗത്തില് ചര്ച്ചയായി. അതേസമയം, പുതിയതായി 93,249 പേര്ക്കാണ് രാജ്യത്ത് കോവിഡ് സ്ഥിരീകരിച്ചത്. ഇതോടെ ആകെ കോവിഡ് ബാധിതരുടെ എണ്ണം 1.24 കോടിയിലെത്തി.