![“Manju”](https://santhigirinews.org/wp-content/uploads/2020/04/YOUTUBE.jpg")
അയോദ്ധ്യയില്‍ രാമക്ഷേത്ര നിര്‍മ്മാണത്തിനായി ഇതുവരെ ലഭിച്ചത് 400 കിലോയിലേറെ വെള്ളിക്കട്ടകള്‍ . വെള്ളിക്കട്ടകള്‍ സൂക്ഷിക്കാനുള്ള ബാങ്ക് ലോക്കറുകള്‍ നിറഞ്ഞതിനെ തുടര്‍ന്നാണ് ഇനി വെള്ളിക്കട്ട അയക്കരുതെന്ന അഭ്യര്‍ഥനയുമായി ട്രസ്റ്റ് രംഗത്തെത്തി.രാജ്യമെമ്പാടുനിന്നും ഭക്തര്‍ വെള്ളിക്കട്ടകള്‍ അയക്കുകയാണെന്നും ബാങ്ക് ലോക്കറുകള്‍ നിറഞ്ഞുവെന്നും ട്രസ്റ്റ് അംഗമായ ഡോ. അനില്‍ മിശ്ര പറഞ്ഞു.
1600 കോടിയോളം രൂപയാണ് പണമായി ക്ഷേത്ര നിര്‍മാണത്തിന് സംഭാവന ലഭിച്ചത്. രാജ്യവ്യാപകമായി സംഭാവന ക്യാമ്ബയിന്‍ നടത്തുകയാണ് സംഘാടകര്‍. സംഭാവന ശേഖരിക്കാന്‍ 1,50,000 ഗ്രൂപ്പുകള്‍ പ്രവര്‍ത്തിക്കുന്നതായി ട്രസ്റ്റിന്‍റെ ജനറല്‍ സെക്രട്ടറി ചമ്ബത്ത് റായ് പറഞ്ഞു. 39 മാസങ്ങള്‍ക്കുളളില്‍ ക്ഷേത്ര നിര്‍മാണം പൂര്‍ത്തിയാക്കുകയാണ് ലക്ഷ്യമിടുന്നത്
