![“Manju”](https://santhigirinews.org/wp-content/uploads/2020/04/YOUTUBE.jpg")
ദുബായ്: യുഎഇയില്‍ ഉള്ളി വിലയില്‍ വന്‍ വര്‍ധന. ഇന്ത്യയില്‍ നിന്ന് ഉള്ളി കയറ്റുമതി താല്‍ക്കാലികമായി നിരോധിച്ചതോടെയാണ് യുഎഇ അടക്കമുള്ള ഗള്‍ഫ് രാജ്യങ്ങളില്‍ ഉള്ളിവില കുതിച്ചുയര്‍ന്നിരിക്കുന്നത്.
ഇന്ത്യയില്‍ ഉള്ളി വിളവ് കുറഞ്ഞതോടെയാണ് മുന്‍കരുതല്‍ എന്ന നിലയില്‍ ഉള്ളി കയറ്റുമതിയില്‍ താല്‍ക്കാലിക നിരോധനം ഏര്‍പ്പെടുത്തിയിരിക്കുന്നത്.
മറ്റുരാജ്യങ്ങളിലെ അപേക്ഷിച്ച്‌ ഗുണനിലവാരത്തിലും ഇന്ത്യന്‍ ഉള്ളിയാണ് തന്നെയാണ് മുന്നില്‍. ഇപ്പോള്‍ വിലയിലും. ഗ്രോസറി ഷോപ്പുകളിലും ചെറുകിട സൂപ്പര്‍ മാര്‍ക്കറ്റുകളിലുമാണ് ഉള്ളിവില കുത്തനെ ഉയര്‍ന്നിരിക്കുന്നത്. സൂപ്പര്‍മാര്‍ക്കറ്റുകളില്‍ ഇന്ത്യന്‍ ഉള്ളിയുടെ വില കിലോയ്‌ക്ക് എട്ട് ദിര്‍ഹത്തിന് മുകളിലായി. ഇന്ത്യന്‍ ഉള്ളിക്ക് പുറമെ തുര്‍ക്കി ഉള്ളിക്കും നിലവില്‍ വിലവര്‍ദ്ധനവുണ്ട്.
ഇന്ത്യയ്‌ക്ക് പുറമെ പാക്കിസ്ഥാന്‍, ഇറാന്‍, ചൈന, തുര്‍ക്കി തുടങ്ങിയ രാജ്യങ്ങളില്‍ നിന്നും യുഎഇ വിപണിയിലേയ്‌ക്ക് ഉള്ളിയെത്താറുണ്ട്. ബ്രിട്ടന്‍, പാക്കിസ്ഥാന്‍, ഹോളണ്ട് തുടങ്ങിയ രാജ്യങ്ങളില്‍ നിന്നും കൂടുതല്‍ ഉള്ളി ഇറക്കുമതി ചെയ്ത് പ്രശ്‌നപരിഹാരം ഉണ്ടാക്കാനാണ് നിലവില്‍ ശ്രമം.
