KeralaLatestThiruvananthapuram
പ്ലസ് വണ് പ്രവേശനം: പരിഹാരം കാണുമെന്ന് വിദ്യാഭ്യാസ മന്ത്രി
തിരുവനന്തപുരം: സംസ്ഥാനത്തെ പ്ലസ് വണ് പ്രവേശനം സംബന്ധിച്ച് നിലവില് നേരിടുന്ന പ്രതിസന്ധി ഗൗരവത്തോടെ കാണുന്നുവെന്ന് വിദ്യാഭ്യാസമന്ത്രി വി. ശിവന്കുട്ടി. എ പ്ലസുകാരുടെ എണ്ണം ഇത്തവണ കൂടിയതിനാല് വിദ്യാര്ഥികള് ആഗ്രഹിക്കുന്ന പ്രകാരം സീറ്റ് കിട്ടണമെന്നില്ല. വിദ്യാര്ഥികള്ക്ക് അമിത ഉല്ക്കണ്ഠ വേണ്ട, താലൂക്ക് അടിസ്ഥാനത്തില് പരിശോധിച്ച് പ്രശ്നം പരിഹരിക്കാനാണ് ശ്രമിക്കുന്നതെന്നും മന്ത്രി വ്യക്തമാക്കി. പ്ലസ് വണ് സീറ്റില് കുറവുണ്ടെന്ന് സമ്മതിച്ച മന്ത്രി, എന്നാല് ഇക്കാര്യത്തില് കണക്കുപറഞ്ഞ് വാദിക്കാനില്ലെന്നും നിയമസഭയില് പറഞ്ഞു.