സിന്ധുമോള് ആര്
തിരുവനന്തപുരം: സംസ്ഥാനത്ത് വൈൻനിർമ്മാണ യൂണിറ്റുകൾക്ക് അനുമതിനൽകാൻ വ്യവസായവകുപ്പിന്റെ തീരുമാനം. മന്ത്രി ഇ.പി ജയരാജനാണ് ഇക്കാര്യം വ്യക്തമാക്കിയത്.
ചെറുകിട-ഇടത്തര വ്യവസായ യൂണിറ്റാണ് കേരളത്തിന്റെ ഭാവിയെന്ന് കണ്ടുകൊണ്ടാണ് തീരുമാനമെന്നും അദ്ദേഹം മാതൃഭൂമിയ്ക്ക് നൽകിയ പ്രത്യകേ അഭിമുഖത്തിൽ പറഞ്ഞു. കാർഷികോത്പന്നങ്ങളിൽ നിന്ന് മൂല്യവർധിത ഉത്പന്നങ്ങളുണ്ടാക്കുന്ന പദ്ധതിയുടെ ഭാഗമായാണ് വൈൻ നിർമ്മാണ യൂണിറ്റുകൾക്ക് അനുമതി നൽകുക.
നിലവിലെ പ്രതിസന്ധി മറികടക്കാനുള്ള മാർഗം ആഭ്യന്തരവിപണി കൂട്ടി മൂല്യവർധിത ഉത്പന്നങ്ങൾ ഉണ്ടാക്കുക എന്നാണ്. കശുമാങ്ങയിൽ നിന്ന് വൈൻ നിർമ്മിക്കാനുള്ള പദ്ധതിയ്ക്ക് ഇതിനോടകം അനുമതി നൽകിയിട്ടുണ്ട് എന്നും അദ്ദേഹം കൂട്ടിച്ചേർത്തു.