InternationalLatest
ഡോ. പൂർണിമയുടെ സംസ്കാരം ഇന്ന്
സിന്ധുമോള് ആര്
ഒരാഴ്ച മുമ്പ് ഡറമിലെ ബിഷപ് ഓക്ലൻഡിൽ കോവിഡ് ബാധിച്ച് മരിച്ച മലയാളി ഡോക്ടർ പൂർണിമ നായരുടെ (56) സംസ്കാരം ഇന്നു നടക്കും. സ്റ്റോക്ക്ടൺ ഓൺ ടീസിലെ ക്രിമറ്റോറിയത്തിലാണ് സംസ്കാരം. കോവിഡ് ബാധിച്ച ഡോ. പൂർണിമയെ ചികിൽസിക്കുകയും ശുശ്രൂഷിക്കുകയും ചെയ്ത ഡോക്ടർമാരുടെയും നഴ്സുമാരുടെയും ക്ഷേമത്തിനായി മകൻ വരുൺ സ്വരൂപിക്കുന്ന ഫണ്ടിലേക്ക് നിരവധി പേരാണ് ഇതിനോടകം സംഭാവനകൾ നൽകിക്കഴിഞ്ഞത്.
2000 പൗണ്ട് ലക്ഷ്യമിട്ട് തുടങ്ങിയ ഫണ്ട് ഇപ്പോൾതന്നെ 12,000 പൗണ്ട് കഴിഞ്ഞു. സ്റ്റാഫിന്റെ ക്ഷേമത്തിനായി എന്തെങ്കിലും ചെയ്യണമെന്നത് ഡോ. പൂർണിമയുടെ ആഗ്രഹമായിരുന്നു. ഇക്കാര്യം മരണത്തിനു മുമ്പ് ഭർത്താവ് ഡോ. ബാലപുരിയെ പൂർണിമ അറിയിച്ചിരുന്നു. അമ്മയുടെ അന്ത്യാഭിലാഷം പൂർത്തിയാക്കാനായി മകൻ വരുൺ ആരംഭിച്ച ക്ഷേമഫണ്ടിനെക്കുറിച്ച് ബിബിസിയും വാർത്ത നൽകി.