കോഴിക്കോട് ബീച്ച്‌ ജനറല്‍ ആശുപത്രിയിലെ ഡോക്ടര്‍ക്ക് കോവിഡ് സ്ഥിരീകരിച്ചു
![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോള്‍ ആര്‍
കോഴിക്കോട്: കോഴിക്കോട് ബീച്ച്‌ ജനറല്‍ ആശുപത്രിയിലെ ഡോക്ടര്‍ക്ക് കോവിഡ് സ്ഥിരീകരിച്ചു എന്‍ആര്‍എച്ച്‌എം താത്കാലിക ഡോക്ടര്‍ക്കാണു രോഗം സ്ഥിരീകരിച്ചത്. ഡോക്ടര്‍ അവധിയിലായതിനാല്‍ ആശങ്കപെടേണ്ട സാഹചര്യമില്ല എന്ന് ആശുപത്രി സൂപ്രണ്ട് അറിയിച്ചു. വിവാഹത്തിന് വേണ്ടി ഈ മാസം നാലാം തിയ്യതി മുതല്‍ ഡോക്ടര്‍ അവധിയിലായിരുന്നു.
കണ്ണൂരില്‍ വെച്ച്‌ നടന്ന വിവാഹ ചടങ്ങില്‍ നിന്നാണ് വൈറസ് ബാധ ഉണ്ടായതെന്നാണ് സൂചന. ജില്ലയില്‍ രോഗം പടരുന്ന സാഹചര്യത്തില്‍ ഭരണകൂടം നിയന്ത്രണങ്ങള്‍ ഏറെ കടുപ്പിച്ചിട്ടുണ്ട് . ജില്ലയില്‍ പൊതുപരിപാടികള്‍ക്ക് നിരോധനം ഏര്‍പ്പെടുത്തിയിട്ടുണ്ട്. കല്യാണ, മരണ ആവശ്യങ്ങള്‍ 20 പേരില്‍ കൂടതല്‍ പാടില്ല. ഒത്തുചേരല്‍ ഒഴിവാക്കാന്‍ സംഘടനകള്‍ക്കു കളക്ടര്‍ നിര്‍ദേശം നല്‍കിയിട്ടുണ്ട്. ഇനിയും സമ്ബര്‍ക്ക വ്യാപനം കൂടിയാല്‍ ജില്ലാ ലോക്ക്ഡൗണിലേക്ക് പോകേണ്ടി വരുമെന്നു ജില്ലാ ഭരണകൂടം അറിയിച്ചു.
