ശ്രീജ.എസ്
തിരുവനന്തപുരം: കൊറോണ കാലത്തെ ഓണം മലയാളികള് ജാഗ്രതോടെ വേണം വീട്ടില് ആഘോഷിക്കാനെന്ന് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്. നമ്മുടെ നാടും നഗരവുമൊന്നും കൊറോണയില് നിന്നും മുക്തമല്ലാത്തതിനാല് ആരില് നിന്നും കൊറോണ പകരുമെന്ന അവസ്ഥയാണെന്ന് മന്ത്രി ഓര്മിപ്പിച്ചു.
സാധനങ്ങള് വാങ്ങാന് കടകളില് പോകുമ്പോഴും ബന്ധുക്കളെ കാണുമ്പോഴും ജാഗ്രത പാലിക്കണം.കടകളിലും മാര്ക്കറ്റുകളിലും ആരും തിരക്ക് കൂട്ടരുത്. കടകളില് സാനിറ്റൈസറോ കൈ കഴുകാനുള്ള സൗകര്യമോ ഒരുക്കണം. സാമൂഹിക അകലം ഉറപ്പാക്കാന് കടക്കാരും ജാഗ്രത പുലര്ത്തണം. സാധനം വാങ്ങി വീട്ടിലെത്തിയാലുടന് കൈകള് സോപ്പുപയോഗിച്ച് കഴുകേണ്ടതാണെന്നും മന്ത്രി വ്യക്തമാക്കി.
‘ഈ ഓണം സോപ്പിട്ട് മാസ്ക്കിട്ട് ഗ്യാപ്പിട്ട്’ എന്ന ആരോഗ്യ സന്ദേശം എല്ലാവരും ഏറ്റെടുക്കണം. എല്ലാവരും മാസ്കുകള് കൃത്യമായി ധരിക്കുകയും ഇടയ്ക്കിടയ്ക്ക് സോപ്പുപയോഗിച്ച് കൈ കഴുകുകയും ഗ്യാപ്പിട്ട് സാമൂഹിക അകലം പാലിക്കുകയും വേണം.