ഹൈദരാബാദ്: ആരോഗ്യപരമായ കാരണങ്ങളാല് കോടതിയിലേക്ക് വരാന് കഴിയാതിരുന്ന വയോധികയുടെ പരാതിക്ക് വരാന്തയില്വെച്ച് പരിഹാരം കണ്ട് ജഡ്ജി. തെലങ്കാനയിലെ ബുപാല്പള്ളി ജില്ലാ കോടതി ജഡ്ജി അബ്ദുല് ഹസീമാണ് വരാന്തയില് വയോധികയുടെ പരാതിക്ക് തീര്പ്പുണ്ടാക്കിയത്.
വയോധിക കോടതി വരാന്തയിലിരിക്കുന്നുണ്ടെന്ന് ക്ലര്ക്കാണ് ജഡ്ജിയെ അറിയിച്ചത്. തുടര്ന്ന് അദ്ദേഹം അവിടേക്ക് വരികയായിരുന്നു. ക്ഷേമ പെന്ഷനുമായി ബന്ധപ്പെട്ട കേസിനായാണ് അവര് കോടതിയിലെത്തിയത്. എന്നാല്, പടികള് കയറാന് സാധിക്കാത്തത് മൂലം വരാന്തയില് കാത്തിരിക്കുകയായിരുന്നു.
ജഡ്ജി അവരുടെ പരാതി കേള്ക്കുകയും രണ്ട് വര്ഷമായുള്ള പ്രശ്നത്തിന് പരിഹാരം കാണുകയും ചെയ്തു. മാര്ക്കണ്ഡേയ കട്ജുവിന്റെ ഫേസ്ബുക്ക് പോസ്റ്റിലൂടെയാണ് സംഭവം പുറംലോകമറിഞ്ഞത്. ഇന്ത്യയില് ഇതുപോലുള്ള ജഡ്ജിമാരുള്ളത് അഭിമാനമുണ്ടാക്കുന്ന കാര്യമാണെന്നും കട്ജു ഫേസ്ബുക്കില് കുറിച്ചു.