ശ്രീജ.എസ്

ഷോപ്പിം​ഗ് മാളില്‍ വച്ച്‌ അപമാനിക്കാന്‍ ശ്രമിച്ചെന്ന് യുവനടി

കൊച്ചി: നഗരത്തിലെ ഷോപ്പിം​ഗ് മാളില്‍ വച്ച്‌ രണ്ട് ചെറുപ്പക്കാര്‍ തന്നെ അപമാനിക്കാന്‍ ശ്രമിച്ചെന്ന വെളിപ്പെടുത്തലുമായി മലയാളത്തിലെ യുവനടി. കൊച്ചിയിലെ പ്രമുഖ ഷോപ്പിം​ഗ് മാളില്‍ വച്ചാണ് സംഭവം. സമൂഹമാധ്യമത്തിലൂടെയാണ് നടി ഇക്കാര്യം വെളിപ്പെടുത്തിയത്.ഇന്നലെ രാത്രിയാണ് ഇതു സംബന്ധിച്ച പോസ്റ്റ് നടി ഇന്‍സ്റ്റ​ഗ്രാമിലൂടെ പരസ്യപ്പെടുത്തിയത്.

കുടുംബവുമൊത്ത് ഷോപ്പിം​ഗിനെത്തിയപ്പോഴാണ് ദുരനുഭവമുണ്ടായത്. ശരീരത്തില്‍ സ്പര്‍ശിച്ച ശേഷം ചെറുപ്പക്കാര്‍ തന്നെ പിന്തുടര്‍ന്നെന്നും നടി പറയുന്നു. അപ്പോള്‍ പ്രതികരിക്കാന്‍ കഴിയാത്തതില്‍ ഖേദമുണ്ടെന്നും ഇത്തരക്കാരുടെ മുഖത്തടിക്കേണ്ടതാണെന്നും താരം കുറിച്ചു. ഇതു സംബന്ധിച്ച്‌ പരാതി നല്‍കാനില്ലെന്നും നടിയും കുടുംബവും വ്യക്തമാക്കി.