![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
ദോഹ ; ഖത്തറില്‍ നാളെ മുതല്‍ കോവിഡ് വാക്സിന്‍ നല്‍കും. 7 പ്രാഥമികാരോഗ്യ കേന്ദ്രങ്ങളിലൂടെ കോവിഡ് വാക്സിന്‍ നല്‍കുക. വന്‍കിട ഫാര്‍മസ്യൂട്ടിക്കല്‍ കമ്പനിയായ ഫൈസര്‍, ബയോടെക്കുമായി ചേര്‍ന്നു വികസിപ്പിച്ച കോവിഡ് വാക്സീന്‍ ആണ് വിതരണം ചെയ്യുന്നത്.
ആദ്യഘട്ടത്തില്‍ പ്രായമായവര്‍, ദീര്‍ഘകാല അസുഖങ്ങളുള്ളവര്‍, ആരോഗ്യപ്രവര്‍ത്തകര്‍ എന്നിവര്‍ക്കാണ് വാക്സിന്‍ നല്‍കുക. രാജ്യത്തെ എല്ലാവര്‍ക്കും നല്‍കാനുള്ള വാക്സിന്‍ എത്തിക്കുമെന്നും നിലവില്‍ ആദ്യബാച്ചാണ് എത്തിയിരിക്കുന്നതെന്നും അധികൃതര്‍ പറഞ്ഞു. സ്വദേശികള്‍ക്കും വിദേശികള്‍ക്കും സൗജന്യമായാണ് വിതരണം. തുടക്കത്തില്‍ ആര്‍ക്കും നിര്‍ബന്ധമാക്കില്ല.
