![“Manju”](https://santhigirinews.org/wp-content/uploads/2020/04/YOUTUBE.jpg")
മുംബൈ: ജി-20 ഉച്ചകോടിയുടെ വിജയത്തില്‍ പ്രധാനമന്ത്രി നരേന്ദ്ര മോദിയെ അഭിനന്ദനമറിയിച്ച്‌ സൂപ്പര്‍താരം ഷാറൂഖ് ഖാൻ. എക്സിലൂടെയാണ് താരം അഭിനന്ദനം അറിയിച്ചത്. ജി-20 സമ്മേളനത്തിന്റെ വിജയം ഓരോ ഭാരതീയന്റെയും മനസില്‍ അഭിമാനവും പ്രൗഡിയും നിറയ്ക്കുന്നതാണെന്ന് ഷാറൂഖ് എക്സില്‍ കുറിച്ചു.
സമ്മേളനത്തിന്റെ ആപ്തവാക്യമായ ‘വസുധൈവ കുടുംബക’ത്തിന് സമാനമായി മോദിയുടെ കീഴില്‍ ഇന്ത്യ ഒരുമയില്‍ പുരോഗമിക്കുമെന്നും ഷാറൂഖ് കുറിച്ചു.പ്രധാനമന്ത്രിയുടെ പോസ്റ്റ് റീ പോസ്റ്റ് ചെയ്താണ് ഷാരൂഖ് ഖാന്‍റെ വാക്കുകള്‍.
