ന്യൂഡല്ഹി: രാജ്യത്ത് ബി.ജെ.പി ഭരിക്കുന്ന സംസ്ഥാനങ്ങളില് മദ്യം നിരോധിക്കണമെന്ന ആവശ്യവുമായി മധ്യപ്രദേശ് മുന് മുഖ്യമന്ത്രിയും മുതിര്ന്ന ബി.ജെ.പി നേതാവുമായ ഉമ ഭാരതി. ബി.െജ.പി ദേശീയ പ്രസിഡന്റ് ജെ.പി. നഡ്ഡയോട് ഇക്കാര്യം ഉന്നയിച്ചു.
വ്യാഴാഴ്ച എട്ടോളം ട്വീറ്റുകളിലൂടെ തുടര്ച്ചയായി ഉമ ഭാരതി നിര്ദ്ദേശം മുേന്നാട്ടുവെക്കുകയായിരുന്നു. മധ്യപ്രദേശില് മദ്യശാലകളുടെ എണ്ണം കൂട്ടാന് പോകുന്നുവെന്ന വാര്ത്തകള് പുറത്തുവന്നതിന് പിന്നാലെയാണ് ഉമ ഭാരതിയുടെ പ്രതികരണം.
ബിഹാറില് ജെ.ഡി.യു നേതാവ് നിതീഷ് കുമാര് മദ്യനിരോധനം െകാണ്ടുവന്നതോടെ സ്ത്രീകളുടെ വോട്ടുകള് നേടി തെരഞ്ഞെടുപ്പുകളില് വിജയം കൈവരിക്കുകയായിരുന്നു. മധ്യപ്രദേശില് മദ്യശാലകളുടെ എണ്ണം കൂട്ടാന് തീരുമാനിച്ചിട്ടില്ലെന്നും മുഖ്യമന്ത്രി ശിവരാജ് സിങ് ചൗഹാന്റെ നിലപാട് പ്രശംസ അര്ഹിക്കുന്നതാണെന്നും അവര് കൂട്ടിച്ചേര്ത്തു.
കോവിഡ് 19നെ തുടര്ന്ന് പ്രഖ്യാപിച്ച ലോക്ഡൗണ് സമയത്ത് കോവിഡ് ബാധിച്ച് നിരവധി പേര് മരിച്ചു. എന്നാല് മദ്യം കഴിച്ച് ആരും മരിച്ചില്ല. മധ്യപ്രദേശിലെയും ഉത്തര്പ്രദേശിലെയും മദ്യദുരന്തങ്ങള് ചൂണ്ടിക്കാണിച്ചപ്പോള് കൂടുതലായും റോഡ് അപകടങ്ങള് മൂലമാണ് ഇത്തരം മരണങ്ങളുണ്ടാകുന്നതെന്നും അവര് പറഞ്ഞു.