നീലേശ്വരം: വെള്ളം കോരുന്നതിനിടയില് കിണറ്റില് വീണ യുവതിയെ അഗ്നിരക്ഷസേന രക്ഷപ്പെടുത്തി. പേരോല് വട്ടപൊയിലിലെ ജനാര്ദനന്റെ ഭാര്യ മിനിയാണ് (24) വെള്ളിയാഴ്ച രാവിലെ വെള്ളം കോരുന്നതിനിടയില് അബദ്ധത്തില് കിണറ്റില് വീണത്.
കപ്പിയില് കുരുങ്ങിയ കയര് കിണറിെന്റ ആള്മറയുടെ മുകളില് കയറി കയര് നിവര്ത്താന് ശ്രമിക്കുനതിനിടയില് കാല് വഴുതി വീഴുകയായിരുന്നു. 16 കോല് ആഴമുള്ള കിണറായതിനാല് നാട്ടുകാര്ക്ക് രക്ഷപ്പെടുത്താന് സാധിച്ചില്ല.
കാഞ്ഞങ്ങാട് അഗ്നിരക്ഷസേന ഓഫിസര് ബാബുരാജിന്റെ നേതൃത്വത്തിലാണ് യുവതിയെ കിണറ്റില്നിന്ന് രക്ഷപ്പെടുത്തിയത്. വീഴ്ചയില് കൈക്ക് പരിക്കേറ്റ യുവതിയെ കാഞ്ഞങ്ങാട് ജില്ല ആശുപത്രിയില് പ്രവേശിപ്പിച്ചു.