സിന്ധുമോൾ. ആർ
ന്യൂഡല്ഹി: ഇന്ത്യന് ക്രിക്കറ്റ് താരം ജയ്ദേവ് ഉനദ്ഘട്ട് വിവാഹിതനായി. റിന്നി കന്റാരിയ ആണ് വധു. ഗുജറാത്തിലെ ആനന്ദില് മധുബന് റിസോര്ട്ടില് കോവിഡ് പ്രോട്ടോകോള് പാലിച്ചായിരുന്നു വിവാഹം. 2021 ഫെബ്രുവരി രണ്ടിന് ഞങ്ങള് വിവാഹിതരായ കാര്യം അറിയിക്കുന്നതില് സന്തോഷിക്കുന്നു. കുടുംബവും സുഹൃത്തുക്കളും പങ്കെടുത്ത ചെറിയ ചടങ്ങായിരുന്നു.നിങ്ങളുടെ സ്നേഹത്തിന് നന്ദിയുണ്ട്. ഒരുമിച്ചുള്ള യാത്രയില് എല്ലാവരുടെയും അനുഗ്രഹമുണ്ടാകണം- ഉനദ്ഘട്ട് ട്വീറ്റ് ചെയ്തു. ഉനദ്ഘട്ടിന്റെ ഭാര്യ റിന്നി അഭിഭാഷകയാണ്. 2020 മാര്ച്ച് 15ന് ഉനദ്ഘട്ടിന്റെ വിവാഹ നിശ്ചയം നടത്തിയിരുന്നു. ഐപിഎല്ലില് രാജസ്ഥാന് റോയല്സ് താരമാണു ഉനദ്ഘട്ട്.