പൂനെ: കോവിഡ് വ്യാപനത്തിന്റെ പശ്ചാത്തലത്തില് പൂനെയിലെ സ്കൂള്, കോളജ് ഉള്പ്പടെയുള്ള വിദ്യാഭ്യാസ സ്ഥാപനങ്ങള് മാര്ച്ച് 14 വരെ അടച്ചിടാന് നിര്ദേശം. പൂനെ മേയറാണ് ഇക്കാര്യം അറിയിച്ചത്. അവശ്യ സേവനങ്ങള് ഒഴികെയുള്ള സ്ഥാപനങ്ങള് രാത്രി 11 നും രാവിലെ ആറിനു ഇടയില് നഗരത്തില് തുറന്ന് പ്രവര്ത്തിക്കാന് അനുവദിക്കില്ലെന്നും അധികൃതര് അറിയിച്ചു.
മാസങ്ങള് നീണ്ട ഓണ്ലൈന് ക്ലാസുകള്ക്ക് ശേഷം ജനുവരിയിലാണ് പൂനെയില് വിദ്യാഭ്യാസ സ്ഥാപനങ്ങള് തുറന്ന് പ്രവര്ത്തിക്കാന് ആരംഭിച്ചത്. എന്നാല് കഴിഞ്ഞ കുറച്ചു ദിവസങ്ങളായി പ്രതിദിനം ആയിരത്തിനു മുകളില് കോവിഡ് കേസുകള് നഗരത്തില് റിപ്പോര്ട്ട് ചെയ്യുന്ന സാഹചര്യത്തിലാണ് അധികൃതര് നിയന്ത്രണം ഏര്പ്പെടുത്തിയത്.