തുടര്ച്ചയായി രണ്ടുമൂന്നു ദിവസങ്ങളില് സംസ്ഥാനത്തെ പല ജില്ലകളിലും ശക്തമായ മഴയാണ് ലഭിച്ചുകൊണ്ടിരിക്കുന്നത്.ഇതിനിടയിലാണ് സംസ്ഥാനത്ത് നാല് ജില്ലകളില് ശക്തമായ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ്. ഇടുക്കി, പാലക്കാട്, കോഴിക്കോട്, വയനാട് ജില്ലകളില് യെല്ലോ അലര്ട്ട് പുറപ്പെടുവിച്ചു. ഒറ്റപ്പെട്ടയിടങ്ങളില് 24 മണിക്കൂറിനുള്ളില് 64.5 മില്ലി മീറ്റര് മുതല് 115.5 മില്ലിമീറ്റര് വരെ ലഭിക്കാവുന്ന ശക്തമായ മഴയുണ്ടാകുമെന്നാണ് മുന്നറിയിപ്പ്. അപ്രതീക്ഷിതമായ ഈ മഴ കര്ഷകരെയും മറ്റും മോശമായി ബാധിച്ചിട്ടുണ്ട്. കാറ്റില് പലയിടങ്ങളിലും വാഴകളും മറ്റും നശിച്ചിട്ടുണ്ട്.
കേരള – കര്ണാടക തീരത്ത് 50 കിലോമീറ്റര് വരെ വേഗത്തില് വീശിയടിക്കാവുന്ന കാറ്റിനും മോശം കാലാവസ്ഥയ്ക്കും സാധ്യതയുള്ളതിനാല് മത്സ്യത്തൊഴിലാളികള് കടലില് പോകരുതെന്നും നിര്ദേശമുണ്ട്