സര്ക്കാറുകള് തമ്മിലാണ് കല്ക്കരി കൈമാറ്റം നടക്കുക. സംസ്ഥാനങ്ങളിലെ താപ വൈദ്യുത നിലയങ്ങള്ക്കും ഊര്ജ ഉത്പാദകര്ക്കും സര്ക്കാര് വഴി കല്ക്കരി ലഭ്യമാക്കാമെന്ന് ഊര്ജ മന്ത്രാലയത്തിന്റെ ഉത്തരവില് പറയുന്നു. 2022ന്റെ മൂന്നാം പാദത്തില് തന്നെ വലിയ രീതിയിലുള്ള ഊര്ജ ക്ഷാമം ഉണ്ടാകുമെന്നാണ് കരുതുന്നത്. ഈ സമയമാകുമ്പോഴേക്കും ഊര്ജ ഉപയോഗം വളരെയധികം വര്ധിക്കാനും അത് വ്യാപകമായ വൈദ്യുതി മുടക്കത്തിനിടയാക്കാനും സാധ്യത ഉണ്ട്. അത് മുന്നില് കണ്ടാണ് നടപടി.
വിവിധ സംസ്ഥാനങ്ങള് സ്വയമേവ കല്ക്കരി ഇറക്കുമതിക്കായി അനുമതി ചോദിക്കുകയും വിവിധ ടെണ്ടറുകളില് നടപടി വേണമെന്ന് ആവശ്യപ്പെടുകയും ചെയ്തിരുന്നു. നിരവധി ടെന്ഡറുകള് ഉണ്ടാക്കുന്ന ആശയക്കുഴപ്പം പരിഹരിക്കുന്നതിനാണ് കേന്ദ്രം നേരിട്ട് കല്ക്കരി ഇറക്കുമതിക്ക് തീരുമാനിച്ചത്. തുടര്ന്ന് കോള് ഇന്ത്യ വഴി കല്ക്കരി ഇറക്കുമതി ചെയ്ത് സംഭരിക്കാമെന്ന് തീരുമാനിക്കുകയായിരുന്നു.