![“Manju”](https://santhigirinews.org/wp-content/uploads/2020/04/YOUTUBE.jpg")
കുവൈത്ത്‌ സിറ്റി: 16 മാസമായി കുവൈത്തില്‍ കുടുങ്ങിക്കിടന്ന 16 ഇന്ത്യന്‍ നാവികര്‍ എംബസിയുടെ നിരന്തര ഇടപെടലിന്റെ ഫലമായി നാട്ടിലേക്ക് തിരിച്ചു. കപ്പല്‍ ഉടമയും ചരക്ക് ഉടമയും തമ്മിലുള്ള തര്‍ക്കം നിയമ പോരാട്ടത്തിലേക്ക് നീങ്ങിയതിനെ തുടര്‍ന്നാണ് യു.എല്‍.എല്‍ എന്ന കപ്പലിലെ നാവികര്‍ കുവൈത്തില്‍ അകപ്പെട്ടത്. മോചനം ആവശ്യപ്പെട്ട് നാവികര്‍ നിരാഹാര സമരം നടത്തിയിരുന്നു. മനുഷ്യാവകാശ സംഘടനകളും വിഷയത്തില്‍ ഇടപെട്ടു. അംബാസഡര്‍ സിബി ജോര്‍ജിന്റെ നേതൃത്വത്തില്‍ നടത്തിയ നിരന്തരശ്രമങ്ങള്‍ ഇവരുടെ തിരിച്ചുപോക്ക് സാധ്യമാക്കുന്നതില്‍ നിര്‍ണായകമായി. എയര്‍ ഇന്ത്യ വിമാനത്തിലാണ് സംഘം ഡല്‍ഹിയിലേക്ക് പോയത്.
