![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി: കോവിഡ് ഇതര ക്ലൈം വേഗത്തില്‍ തീര്‍പ്പാക്കാന്‍ തയ്യാറെടുത്ത് ഇ.പി.എഫ്.ഒ. നേരത്തെ കോവിഡുമായി ബന്ധപ്പെട്ട് പണം പിന്‍വലിക്കാനുള്ള പ്രത്യേക അവസരം ഇ.പി.എഫ്.ഒ നല്‍കിയിരുന്നു. ഇതുവഴി പണം എളുപ്പത്തില്‍ പിന്‍വലിക്കാന്‍ സാധിക്കുമായിരുന്നു. അതെ സമയം ഇ.പി.എഫ്.ഒയില്‍ വരുന്ന എല്ലാതരം അപേക്ഷകളും ഇത്തരത്തില്‍ അതിവേഗത്തില്‍ തീര്‍പ്പാക്കാനാണ് അധികൃതര്‍ ഒരുങ്ങുന്നത്. ഇത് പ്രകാരം ഓട്ടോമാറ്റിക് സെറ്റില്‍മെന്റ് എല്ലാതരം ക്ലെയിമുകള്‍ക്കും വ്യാപിപ്പിക്കും.
ഇതനുസരിച്ച്‌ അപേക്ഷകന്റെ കെ.വൈ.എസി ഇ.പി.എഫ്.ഒ ഡാറ്റാബേസുമായി ഒത്തുനോക്കി ക്ലെയിമുകള്‍ അതിവേഗത്തില്‍ തീര്‍പ്പാക്കും. ഒരു മാസം നീണ്ടു നില്‍ക്കുന്ന പ്രക്രിയ ഈ സംവിധാനം ഉപയോഗിക്കുകയാണെങ്കില്‍ മണിക്കൂറുകള്‍ക്കകം തീര്‍ക്കാനാകുമെന്നാണ് ഇ.പി.എഫ്.ഒ ഉദ്യോഗസ്ഥരുടെ നിഗമനം.
കോവിഡ് പ്രതിസന്ധി സമയത്ത് പണം പിന്‍വലിക്കാന്‍ ഇ.പി.എഫ്.ഒ പ്രത്യേക പദ്ധതി അവതരിപ്പിച്ചിരുന്നു. ഇ.പി.എഫ്.ഒയിലുള്ള ഫണ്ടിന്റെ 75 ശതമാനമോ അല്ലെങ്കില്‍ മൂന്ന് മാസത്തെ അടിസ്ഥാന ശമ്പളമോ ഇത്തരത്തില്‍ ഉദ്യോഗസ്ഥര്‍ക്ക് പിന്‍വലിക്കാന്‍ സാധിക്കും. ഒറ്റതവണയായാണ് പണം പിന്‍വലിക്കാന്‍ സാധിക്കുക. അതെ സമയം ഇത് പിന്നീട് തിരിച്ചടക്കേണ്ട ആവശ്യമില്ല .
