![“Manju”](https://santhigirinews.org/wp-content/uploads/2020/04/YOUTUBE.jpg")
ദോഹ: ടോക്യോയില്‍നിന്നു ഖത്തറിനെ തേടി നല്ലവാര്‍ത്തകള്‍ തുടര്‍ന്ന പകലായിരുന്നു ഞായറാഴ്ച. പുരുഷ വിഭാഗം ബീച്ച് വോളിയില്‍ ഖത്തറിന്റെ അഹമ്മദ് തിജാന്‍-ഷെരിഫ് യൂനുസ് സഖ്യം മൂന്നാം ജയവുമായി ക്വാര്‍ട്ടറില്‍ കടന്നു. അമേരിക്കന്‍ സഖ്യത്തെ 2-1നായിരുന്നു വീഴ്ത്തിയത്.
നേരത്തെ പൂളിലെ ഒന്നും രണ്ടും മത്സരങ്ങളില്‍ ടീം മികച്ച ജയം നേടിയിരുന്നു. പുരുഷ വിഭാഗം 400 മീറ്റര്‍ ഹര്‍ഡ്ല്‍സില്‍ ഖത്തറിന്റെ അബ്ദുറഹ്മാന്‍ സാംബ ഫൈനലില്‍ കടന്നു. ചൊവ്വാഴ്ചയാണ് ഫൈനല്‍. സെമിയില്‍ രണ്ടാം സ്ഥാനത്താണ് താരം ഫിനിഷ് ചെയ്തത്. പുരുഷ വിഭാഗം 100 മീറ്റര്‍ സെമിയില്‍ കടന്ന ഫെമി ഒഗുനോഡെ എട്ടാം സ്ഥാനക്കാരനായി ഫിനിഷ് ചെയ്തു.
