കൊച്ചി: തൊഴിലും മാതൃത്വവും ഒരുമിച്ചു കൊണ്ടുപോകുന്നതിന്റെ ബുദ്ധിമുട്ട് സ്ത്രീകള്ക്കു മാത്രമേ മനസിലാവുകയുള്ളൂവെന്നും ജോലിയുള്ള അമ്മമാരുടെ സ്ഥിതി ഏറെ ബുദ്ധിമുട്ടാണെന്നും ഹൈക്കോടതി.
ജസ്റ്റീസ് ദേവന് രാമചന്ദ്രന് ഇക്കാര്യം പറഞ്ഞത് കൊല്ലത്തെ വനിതാ ശിശുവികസന ഓഫീസിലെ കരാര് ജീവനക്കാരിയായ വന്ദന ശ്രീമേധയെ പ്രസവാവധി അനുവദിക്കാതെ പിരിച്ചുവിട്ട നടപടി റദ്ദാക്കിയാണ്. കൂടാതെ പിരിച്ചുവിട്ട കരാര് ജീവനക്കാരിയെ രണ്ടാഴ്ചയ്ക്കകം തിരിച്ചെടുക്കണമെന്നും ഇവരുടെ പ്രസവാവധി അപേക്ഷ വീണ്ടും പരിഗണിച്ചു തീര്പ്പാക്കാനും വിധിയില് പറയുന്നു.