ശിവഗിരി മഠത്തിലെ സ്വാമി കരുണാനന്ദ സമാധിയായി

വർക്കല: ശിവഗിരി ശ്രീനാരായണ ധർമസംഘം ട്രസ്റ്റ് അംഗം സ്വാമി കരുണാനന്ദ (85) സമാധിയായി. ചികിത്സയിലിരിക്കെ ശിവഗിരി എസ്എൻ മെഡിക്കൽ മിഷൻ ആശുപത്രിയിലായിരുന്നു സമാധി.

കരുനാഗപ്പള്ളി തഴവ ചെറുവെള്ളയിൽ പരേതരായ പത്മനാഭൻ-കുഞ്ഞിപ്പെണ്ണ് ദമ്പതികളുടെ അഞ്ചാമത്തെ മകനായ സ്വാമി കരുണാനന്ദയുടെ പൂർവാശ്രമത്തിലെ പേര് കരുണാകരൻ എന്നാണ്. മുൻ പ്രസിഡന്റ് സ്വാമി പ്രകാശാനന്ദയിൽ നിന്നാണു സന്യാസം സ്വീകരിച്ചത്.

തൃശൂർ കൂർക്കഞ്ചേരി രാമാനന്ദാശ്രമത്തിൽ ദീർഘകാലം പ്രവർത്തിച്ചിട്ടുണ്ട്. സമാധിയിരുത്തൽ ചടങ്ങുകൾ ശിവഗിരി സമാധിപറമ്പിൽ നടന്നു. മോക്ഷപ്രാർഥന 18നു നടക്കും.