സംസ്ഥാനത്ത് കനത്ത മഴ തുടരും
തിരുവനന്തപുരം : സംസ്ഥാനത്ത് ഇന്നും ശക്തമായ മഴയ്ക്ക് സാദ്ധ്യതയെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി. ജനങ്ങള്ക്കായി ജാഗ്രതാ നിര്ദ്ദേശവും പുറപ്പെടുവിച്ചിട്ടുണ്ട്. ശക്തമായ കാറ്റിന് സാദ്ധ്യതയുള്ളതായും കാലാവസ്ഥാ നിരീക്ഷണ കേന്ദ്രത്തിന്റെ പ്രവചനമുണ്ട്. ഈ സാഹചര്യത്തില് മത്സ്യത്തൊഴിലാളികള്ക്കും, തീരമേഖലകളില് താമസിക്കുന്നവര്ക്കും ജാഗ്രതാ നിര്ദ്ദേശം പുറപ്പെടുവിച്ചു. മത്സ്യബന്ധനത്തിന് വിലക്കുണ്ട്.
മുന്നറിയിപ്പിന്റെ അടിസ്ഥാനത്തില് വിവിധ ജില്ലകളില് യെല്ലോ, ഓറഞ്ച് അലര്ട്ടുകള് പ്രഖ്യാപിച്ചു. കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം, വയനാട്, കോഴിക്കോട്, കണ്ണൂര് എന്നീ ജില്ലകളിലാണ് ഓറഞ്ച് അലര്ട്ട്. ജില്ലകളില് 24 മണിക്കൂറിനുള്ളില് 204.4 മില്ലീ മീറ്റര് മഴ വരെ ലഭിക്കാം. പത്തനംതിട്ട, ആലപ്പുഴ, കാസര്കോട് എന്നീ ജില്ലകളിലാണ് യെല്ലോ അലര്ട്ട്.