പ്ലസ് വണ് പ്രവേശനത്തിനു 20% അധിക സീറ്റ് അനുവദിച്ചു
തിരുവനന്തപുരം: പ്ലസ് വണ് പ്രവേശനത്തിനു ഏഴു ജില്ലകളിലായി 20 ശതമാനം അധിക സീറ്റ് അനുവദിക്കാന് മന്ത്രിസഭാ യോഗം തീരുമാനിച്ചു. കൂടുതല് വിദ്യാര്ഥികള് അപേക്ഷിച്ച ഏഴു ജില്ലകളില് ആണ് സീറ്റ് വര്ധന ഉണ്ടാവുന്നത്.
ഇതോടെ തിരുവനന്തപുരം, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലെ സര്ക്കാര്-എയ്ഡഡ് ഹയര്സെക്കന്ഡറി സ്കൂളുകളില് എല്ലാ വിഷയത്തിനും 20 ശതമാനം സീറ്റ് അധികം അനുവദിക്കാനാണു യോഗം തീരുമാനിച്ചത്.