ശ്രീജ.എസ്
തിരുവനന്തപുരം: സംസ്ഥാനത്ത് ബാര് ഹോട്ടലുകള് തുറക്കുന്നതില് തീരുമാനമെടുക്കേണ്ടത് കേന്ദ്രസര്ക്കാരാണെന്ന് എക്സൈസ് മന്ത്രി ടി.പി. രാമകൃഷ്ണന്. കോവിഡ് രോഗ പ്രതിരോധത്തെ തുടര്ന്ന് കേന്ദ്രസര്ക്കാരിന്റെ നിര്ദേശം പാലിച്ചാണ് ബാറുകള് അടച്ചത്. ബാറുകള് തുറക്കുന്നത് സംബന്ധിച്ചും കേന്ദ്രസര്ക്കാരാണ് തീരുമാനമെടുക്കേണ്ടതെന്നു മന്ത്രി അറിയിച്ചു.
സംസ്ഥാനത്ത് മദ്യവില്പനയ്ക്കായി ഏര്പ്പെടുത്തിയ ബെവ്കോയുടെ വെര്ച്വല് ക്യൂ ആപ്പ് എല്ലാക്കാലത്തേക്കും ഉള്ളതാണെന്ന് സര്ക്കാര് പറഞ്ഞിട്ടില്ലെന്നും കോവിഡ് രോഗത്തെ തുടര്ന്ന് തിരക്ക് നിയന്ത്രിക്കാനുള്ള താത്കാലിക സംവിധാനം മാത്രമാണെന്നും മന്ത്രി വ്യക്തമാക്കി.