InternationalLatest
പെലെ ആശുപത്രിയില്
സാവോപോളോ : ഫുട്ബോള് ഇതിഹാസം പെലെ വീണ്ടും ആശുപത്രിയില്. മോശം ആരോഗ്യസ്ഥിതിയെ തുടര്ന്ന് അദ്ദേഹത്തെ ഐസിയുവില് പ്രവേശിപ്പിച്ചിരിക്കുകയാണെന്ന് അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്യുന്നു. ഈ മാസം ആദ്യം ശസ്ത്രക്രിയക്കായി പെലെയെ ആശുപത്രിയില് പ്രവേശിപ്പിച്ചിരുന്നു.
നേരത്തെ വന്കുടലിലെ മുഴ നീക്കം ചെയ്യാനാണ് പെലെയെ ആശുപത്രിയില് പ്രവേശിപ്പിച്ചിരുന്നത്. ശസ്ത്രക്രിയക്ക് ശേഷം അദ്ദേഹം ആശുപത്രി വിട്ടു. തന്റെ ആരോഗ്യനില മെച്ചപ്പെട്ടു എന്നും ഇപ്പോള് ആരോഗ്യപ്രശ്നങ്ങള് ഇല്ലെന്നും പെലെ തന്നെ അറിയിച്ചു.
എന്നാല്, ഇപ്പോള് വീണ്ടും അദ്ദേഹത്തെ ആശുപത്രിയില് പ്രവേശിപ്പിച്ചിരിക്കുകയാണ്. പ്രായമായതിനാല് മികച്ച ശുശ്രൂഷ നല്കണമെന്നതിനാലാണ് തീവ്രപരിചരണ വിഭാഗത്തില് പ്രവേശിപ്പിച്ചതെന്നും, ആരോഗ്യനില തൃപ്തികരമാണെന്നും ആശുപത്രി അധികൃതര് അറിയിച്ചു.