സ്റ്റാഫ് റിപ്പോര്ട്ടര്
ശ്രീനഗര്: കാഷ്മീരിലെ ശ്രീനഗറില് ലഷ്കര് ഭീകരരുമായുണ്ടായ ഏറ്റുമുട്ടലില് അസിസ്റ്റന്റ് സബ് ഇന്സ്പെക്ടര് വീരമൃത്യു വരിച്ചു. മൂന്നു ലഷ്കര് ഇ തൊയ്ബ ഭീകരരെ സുരക്ഷാസേന വധിച്ചു. എഎസ്ഐ ബാബു റാം ആണു വീരമൃത്യു വരിച്ചത്. കാഷ്മീര് പോലീസും സിആര്പിഎഫും അടങ്ങുന്ന പട്രോള് സംഘത്തിനു നേരേ ഭീകരര് ആക്രമണം നടത്തുകയായിരുന്നു. തുടര്ന്നുണ്ടായ ഏറ്റുമുട്ടലിലാണു മൂന്നു ഭീകരരെ വധിച്ചത്. ഇവരില് ഒരാള് ലഷ്കര് കമാന്ഡറാണ്. എകെ 47 റൈഫിളും പിസ്റ്റളുകളും ഭീകരരില്നിന്നു പിടിച്ചെടുത്തു.