ന്യൂഡല്ഹി : ഫ്രാന്സിലെ ഭീകരാക്രമണത്തിന് പ്രധാനമന്ത്രി പ്രസിഡന്റ് നരേന്ദ്ര മോദി മാക്രോണിനെ അനുശോചനം അറിയിച്ചു. ഭീകരത, തീവ്രവാദം എന്നിവയ്ക്കെതിരായ പോരാട്ടത്തില് ഫ്രാന്സിന് ഇന്ത്യ നല്കിയ പൂര്ണ പിന്തുണ ആവര്ത്തിച്ചു.
കൊവിഡ്19 വാക്സിനുകളുടെ താങ്ങാവുന്ന വിലയും പ്രവേശനക്ഷമതയും മെച്ചപ്പെടുത്തല്, കോവിഡാനന്തര സാമ്പത്തിക പുരോഗതി വീണ്ടെടുക്കല്, ഇന്തോ-പസഫിക് മേഖലയിലെ സഹകരണം, സമുദ്ര സുരക്ഷ, പ്രതിരോധ സഹകരണം, ഡിജിറ്റല് സമ്പദ് വ്യവസ്ഥ, സൈബര് സുരക്ഷ, ബഹുമുഖത്വം ശക്തിപ്പെടുത്തുക, കാലാവസ്ഥാ വ്യതിയാനവും ജൈവവൈവിധ്യവും എന്നിവ ഉള്പ്പെടെയുള്ള വിഷയങ്ങളില് ഉഭയകക്ഷി, മേഖലാ, ആഗോള പ്രശ്നങ്ങള് ഇരുനേതാക്കളും ചര്ച്ച ചെയ്തു.
അടുത്ത കാലത്തായി ഇന്ത്യ-ഫ്രാന്സ് തന്ത്രപരമായ പങ്കാളിത്തം നേടിയ ആഴത്തിലും കരുത്തിലും ഇരു നേതാക്കളും സംതൃപ്തി പ്രകടിപ്പിക്കുകയും കോവിഡിന് ശേഷമുള്ള കാലഘട്ടത്തില് അടുത്തു പ്രവര്ത്തിക്കാന് സമ്മതിക്കുകയും ചെയ്തു. പൊതുജനാരോഗ്യ സാഹചര്യം സാധാരണ നിലയിലായ ശേഷം പ്രസിഡന്റ് മാക്രോണിനെ ഇന്ത്യയിലേക്കു സ്വാഗതം ചെയ്യാന് പ്രധാനമന്ത്രി ആഗ്രഹം പ്രകടിപ്പിച്ചു.