ന്യൂഡല്ഹി : കിഴക്കന് ലഡാക്കിലെ സംഘര്ഷത്തിന് പരിഹാരം കാണുന്നതിനുള്ള ഇന്ത്യ-ചൈന കമാന്ഡര് തല ചര്ച്ചയുടെ പതിമൂന്നാം ഘട്ടവും പരാജയപ്പെട്ടു. അതിര്ത്തിയില്നിന്ന് പിന്മാറ്റത്തിന് ചൈന തയാറാകില്ലെന്ന് അറിയിച്ചതോടെയാണ് ചര്ച്ച വിഫലമായത്.
അതെ സമയം വിഷയത്തില് പ്രശ്നപരിഹാരത്തിന് ഒരു നിര്ദേശവും ചൈന മുന്നോട്ടുവച്ചില്ല. എന്നാല് ഇരു രാജ്യങ്ങള് തമ്മിലുള്ള നല്ല ബന്ധത്തിന് തര്ക്കപരിഹാരം അനിവാര്യമെന്ന് ഇന്ത്യയാണ് അറിയിച്ചത് .അതേസമയം, മേഖലയില് ആശയവിനിമയത്തിനും നിലവിലെ സ്ഥിതി നിലനിര്ത്താനും ഇരുപക്ഷവും സമ്മതിച്ചിട്ടുണ്ട്. ചുഷുല്-മോള്ഡോ ബോര്ഡര് പേഴ്സണല് മീറ്റിംഗ് (ബിപിഎം) പോയിന്റില് ചൈനീസ് ഭാഗത്തായിരുന്നു കൂടിക്കാഴ്ച .