ജനങ്ങൾ അതീവ ജാഗ്രത പുലര്ത്തണമെന്ന് മുഖ്യമന്ത്രി
തിരുവനന്തപുരം: ഡാമുകളിലെ വെള്ളം തുറന്ന് വിടുന്ന സാഹചര്യത്തില് ഡാമുകള്ക്ക് ചുറ്റുമുള്ള പ്രദേശങ്ങളിലെ ജനങ്ങള് അതീവ ജാഗ്രത പുലര്ത്തണമെന്ന് മുഖ്യമന്ത്രി പിണറായി വിജയന് മുന്നറിയിപ്പ് നല്കി. വെള്ളം തുറന്നു വിടാന് തീരുമാനിച്ച അണക്കെട്ടുകളിലെ ജലനിരപ്പ് നിരീക്ഷിക്കുന്നതിന് സര്ക്കാര് നിയോഗിച്ച കമ്മിറ്റി തീരുമാനപ്രകാരം എല്ലാ മുന്കരുതലുകളും സ്വീകരിച്ചാണ് മൂന്ന് ഡാമുകളിലെ വെള്ളം തുറന്നു വിടുന്നതെന്നും അദ്ദേഹം വെളിപ്പെടുത്തി.
ഡാമുകള് തുറക്കുമ്പോള് ആളുകളെ സുരക്ഷിത സ്ഥാനത്തേക്ക് മാറ്റാനുള്ള നടപടി പുരോഗമിക്കുകയാണ്. ഇതിനോടൊപ്പം അധികൃതര് നല്കുന്ന നിര്ദേശങ്ങള് അനുസരിക്കാനും അതീവ ജാഗ്രത പാലിക്കാനും എല്ലാവരും തയാറാവണമെന്നും മുഖ്യമന്ത്രി അഭ്യര്ഥിച്ചു.