നിലവില് ലോക്ക്ഡൗണ് ആവശ്യമില്ല ; ഭീതി വേണ്ടെന്ന് ബൈഡന്
ന്യൂയോര്ക്ക്: ദക്ഷിണാഫ്രിക്കയില് കണ്ടെത്തിയ കോവിഡിന്റെ പുതിയ വകഭേദമായ ‘ഒമിക്രോണ്’ ആശങ്ക ഉയര്ത്തുന്നുണ്ടെങ്കിലും പരിഭ്രാന്തിക്കുള്ള കാരണമില്ലെന്ന് യുഎസ് പ്രസിഡന്റ് ജോ ബെഡന്. ജനങ്ങള് വാക്സിന് എടുക്കുകയും മാസ്ക് ധരിക്കുകയും ചെയ്യുകയാണെങ്കില് ഇപ്പോള് ലോക്ക്ഡൗണിന്റെ ആവശ്യമില്ലെന്നും അദ്ദേഹം പറഞ്ഞു .
ദക്ഷിണാഫ്രിക്കയില് ആദ്യമായി കണ്ടെത്തിയ ഒമിക്രോണ് വകഭേദം വടക്കേ അമേരിക്കയിലും സ്ഥിരീകരിച്ചതിന്റെ പശ്ചാത്തലത്തിലായിരുന്നു ബൈഡന്റെ പ്രതികരണം. ഒമിക്രോണ് ഭീതി ഉയര്ത്തുന്ന പശ്ചാത്തലത്തില് ഉന്നത ആരോഗ്യ ഉദ്യോഗസ്ഥര് വാക്സിന് നിര്മ്മാതാക്കളുമായി കൂടിയാലോചനകള് നടത്തിവരുന്നുണ്ടെന്നും ബൈഡന് ചൂണ്ടിക്കാട്ടി .
ഇതിനിടെ അമേരിക്കയുടെ അയല്രാജ്യമായ കാനഡയില് രണ്ടു പേരില് ഒമിക്രോണ് വകഭേദം സ്ഥിരീകരിച്ചിട്ടുണ്ട്. അടുത്തിടെ നൈജീരിയയില് നിന്നെത്തിയവരാണ് ഇവര്. ദക്ഷിണാഫ്രിക്കയ്ക്കും മറ്റ് ഏഴ് രാജ്യങ്ങള്ക്കും അമേരിക്ക ഏര്പ്പെടുത്തിയ യാത്രാ വിലക്ക് തിങ്കളാഴ്ച മുതല് പ്രാബല്യത്തില് വന്നു. ആളുകള്ക്ക് വാക്സിനേഷനുള്ള സമയം അനുവദിക്കുക എന്നതാണ് യാത്രാ നിയന്ത്രണത്തിലൂടെ ലക്ഷ്യമിടുന്നതെന്ന് ബൈഡന് വ്യക്തമാക്കി.
ഒമിക്രോണ് ആശങ്ക ഉയര്ത്തുന്ന സാഹചര്യത്തില് യുഎസിലും യുകെയിലും 18 ന് മുകളിലുള്ളവര്ക്ക് ബൂസ്റ്റര് ഡോസുകള് വര്ധിപ്പിക്കാനുള്ള നടപടികളും ആരംഭിച്ചിട്ടുണ്ട് .അതെ സമയം ഒമിക്രോണുമായി ബന്ധപ്പെട്ട മരണങ്ങളൊന്നും ഇതുവരെ റിപ്പോര്ട്ട് ചെയ്യപ്പെട്ടിട്ടില്ലെന്ന് ലോകാരോഗ്യ സംഘടന വ്യക്തമാക്കി.
കൂടാതെ ഒമിക്രോണ് ഇന്ത്യയില് ഇതുവരെ ആരിലും സ്ഥിരീകരിച്ചിട്ടില്ലെന്ന് കേന്ദ്രസര്ക്കാര് വൃത്തങ്ങള് കഴിഞ്ഞ ദിവസം അറിയിച്ചിരുന്നു. ഒമിക്രോണിനെതിരേ എല്ലാവരും അതിവ ജാഗ്രത പുലര്ത്തണമെന്നും പ്രധാനമന്ത്രി നരേന്ദ്രമോദി മുന്നറിയിപ്പ് നല്കി. വാക്സിനേഷന് 100 കോടിയില് നിന്നും 150 കോടിയിലേക്കാണ് നീങ്ങുന്നതെന്നും മോദി കൂട്ടിച്ചേര്ത്തു.