![“Manju”](https://santhigirinews.org/wp-content/uploads/2020/04/YOUTUBE.jpg")
കാബൂള്‍: ഇന്ത്യക്ക് നന്ദി പറഞ്ഞ് താലിബാന്‍. ആഭ്യന്തര യുദ്ധശേഷം ശിഥിലമായിപ്പോയ പൗരന്മാരെ സഹായിക്കാന്‍ ഭാരതം ജീവന്‍രക്ഷാ മരുന്നുകള്‍ അയച്ചിരുന്നു. ഇവയുടെ ആദ്യ ലോഡ് അഫ്ഗാനിസ്ഥാനില്‍ എത്തിച്ചേര്‍ന്നതിനു തൊട്ടുപിറകെയാണ് ഭരണകൂടത്തിന്റെ ഈ നന്ദിപ്രകടനം. ഇന്ത്യക്ക് നന്ദിയറിയിച്ചു കൊണ്ട് താലിബാന്‍ നടത്തിയ പ്രസ്താവനയില്‍, ഇന്ത്യ–അഫ്ഗാനിസ്ഥാന്‍ ബന്ധം വളരെയധികം ശക്തമായി തുടരുമെന്നും പ്രഖ്യാപനമുണ്ടായി. ഇന്ത്യയിലെ അഫ്ഗാനിസ്ഥാന്‍ അംബാസിഡറായ ഫരീദ് മാമുന്ദ്സേ, നിരവധി ദരിദ്രരായ പൗരന്‍മാര്‍ക്ക് ഈ സഹായം ഉപകാരപ്പെടുമെന്നും അറിയിച്ചു.
1.6 മെട്രിക് ടണ്‍ മരുന്നുകളാണ് ഇന്നലെ രാത്രി ഇന്ത്യ അഫ്ഗാനിസ്ഥാനിലേക്ക് കയറ്റി അയച്ചത്. അഫ്ഗാനിസ്ഥാനില്‍ നടന്ന ഓപ്പറേഷന്‍ ദേവി ശക്തിയുടെ ഭാഗമായി നൂറോളം ഹിന്ദു–സിഖ് അഭയാര്‍ഥികളെ ഇന്ത്യയിലെത്തിച്ച ഫ്ലൈറ്റിലാണ് ഇന്ത്യ ലോഡ് കണക്കിന് മരുന്നുകള്‍ കയറ്റി വിട്ടത്.
