അനാഥ മൃതദേഹങ്ങള് കൂടുതല് പുരുഷന്മാരുടേത്
ഒന്നിന്റെ വില 40,000 രൂപ
തൃക്കാക്കര: സര്ക്കാര് ആശുപത്രിയിലെത്തുന്ന അനാഥ മൃതദേഹങ്ങള് മെഡിക്കല് കോളേജുകള്ക്ക് പഠനാര്ത്ഥം നല്കുന്നത് 40,000 രൂപയ്ക്ക്. തിരുവനന്തപുരം മെഡിക്കല് കോളേജില് അനാഥ മൃതദേഹ വില്പന വഴി ലഭിച്ച തുകയില് 9,44,877 രൂപ നീക്കിയിരിപ്പുണ്ട്. 2017 ജനുവരി ഒന്നുമുതല് 2021 നവംബര് 30 വരെയുളള കണക്കാണിത്.
ഏറ്റവും കൂടുതല് അനാഥ മൃതദേഹങ്ങള് പുരുഷന്മാരുടേതാണ്. 55 എണ്ണം. സ്ത്രീ കളുടെ 9 മൃതദേഹങ്ങള് മാത്രമേയുള്ളൂവെന്ന് രാജു വാഴക്കാലയ്ക്ക് ലഭിച്ച വിവരാവകാശ രേഖയില് പറയുന്നു.സ്വകാര്യ മെഡിക്കല് കോളേജുകള്ക്ക് ലഭിച്ച കണക്കുകളാണിത്. ഒരു മൃതദേഹത്തിന് സ്വകാര്യ മെഡിക്കല് കോളേജുകളില് നിന്ന് നാല്പതിനായിരം രൂപയാണ് ഈടാക്കുന്നത്. ഡി.എം.ഓ.ഇ പ്രിന്സിപ്പലിനാണ് ചുമതല.
മൃതദേഹത്തിന്റെ തുക അറ്റകുറ്റപ്പണിക്ക്
അനാഥ മൃതദേഹങ്ങളുടെ വില്പനയിലൂടെ ലഭിക്കുന്ന തുകയില് നിന്ന് 10,000 രൂപ മോര്ച്ചറിയുടെ അറ്റകുറ്റപ്പണികള്ക്കും മോര്ച്ചറിക്കാവശ്യമായ രാസവസ്തുക്കള്, ഉപകരണങ്ങള് മുതലായവ വാങ്ങുന്നതിനും കോള്ഡ് സ്റ്റോര് സൗകര്യങ്ങള് ഒരുക്കുന്നതിനും മോര്ച്ചറി വൃത്തിയായി സൂക്ഷിക്കുന്നതിനും എംബാം ചെയ്യുന്ന ഉപകരണങ്ങളുടെ അറ്റകുറ്റ പണികള്ക്കുമായി ഉപയോഗിക്കുന്നു.
വില്പന നടത്തിയ മെഡിക്കല് കോളേജുകളുടെ പേരും, വാങ്ങിയ മൃതദേഹം , തുക
എസ്.യു.ടി മെഡിക്കല് കോളേജ് വട്ടപ്പാറ , 02, 80,000
ശ്രീശങ്കര ഡെന്റല് കോളേജ് വര്ക്കല , 02, 80,000
ഗോകുലം മെഡിക്കല് കോളേജ് വെഞ്ഞാറമൂട്, 02, 80,000
സി.എസ്.ഐ മെഡിക്കല് കോളേജ് കാരക്കോണം, 02, 80,000
ശ്രീ മൂകാംബിക ഇന്സ്റ്റിറ്റ്യൂട്ട് ഒഫ് മെഡിക്കല് സയന്സ് കുലശേഖരം 04 , 1,60,000
മൗണ്ട് സിയോണ് മെഡിക്കല് കോളേജ് അടൂര്, 03, 1,20,000
അസീസിയ മെഡിക്കല് കോളേജ് 01, 40,000