![“Manju”](https://santhigirinews.org/wp-content/uploads/2020/04/YOUTUBE.jpg")
റിസർവ് ബാങ്ക് ഓഫ് ഇന്ത്യയുടെ നിർദ്ദേശങ്ങള്‍ അനുസരിച്ച്‌, പേടിഎം പേയ്‌മെൻ്റ് ബാങ്ക് ലിമിറ്റഡ് ചില ബിസിനസ് നിയന്ത്രണങ്ങള്‍ക്ക് വിധേയമായിരുന്നു. ഫാസ്ടാഗ് ഉള്‍പ്പെടെയുള്ള പല സേവനങ്ങളും ഉപയോഗിക്കുന്ന ഉപഭോക്താക്കളെ ഇത് സാരമായി ബാധിച്ചു. ഈ നിയന്ത്രണങ്ങള്‍ക്ക് വിധേയമായി ഉപഭോക്താക്കള്‍ക്ക് തങ്ങളുടെ ഫാസ്ടാഗ് അക്കൗണ്ടുകള്‍ പേടിഎമ്മില്‍ നിന്ന് നിർജ്ജീവമാക്കാം.
പേടിഎം ഫാസ്ടാഗ് ഡിയാക്ടിവേറ്റ് അല്ലെങ്കില്‍ പോർട്ട് ചെയ്യാനായി പോർട്ടല്‍ ആക്‌സസ് ചെയ്യുക. യൂസർ ഐഡി, വാലറ്റ് ഐഡി, പാസ്‌വേഡ് എന്നിവ ഉപയോഗിച്ച്‌ ഫാസ്‌റ്റാഗ് പേടിഎം പോർട്ടലില്‍ ലോഗിൻ ചെയ്ത് വിശദാംശങ്ങള്‍ നല്‍കുക. സ്ഥിരീകരണ/ വേരിഫിക്കേഷൻ ആവശ്യങ്ങള്‍ക്കായി ഫാസ്ടാഗ് നമ്പർ, രജിസ്റ്റർ ചെയ്ത മൊബൈല്‍ നമ്പർ എന്നിവ പോലുള്ള വിവരങ്ങള്‍ നല്‍കുക.
സപ്പോർട്ടിലേക്ക് നാവിഗേറ്റ് ചെയ്യുക: പേജ് താഴേക്ക് സ്ക്രോള്‍ ചെയ്ത് ‘ഹെല്‍പ്പ് & സപ്പോർട്ട്’ ഓപ്ഷൻ കണ്ടെത്തുക. ചോദ്യം ടൈപ്പ് തിരഞ്ഞെടുക്കുക. ലഭ്യമായ ഓപ്‌ഷനുകളില്‍ നിന്ന് ‘ഓർഡർ ചെയ്യാത്ത അനുബന്ധ ചോദ്യങ്ങള്‍ക്ക് സഹായം ആവശ്യമുണ്ടോ?’ എന്നത് തെരഞ്ഞെടുക്കുക.
പ്രൊഫൈല്‍ അപ്‌ഡേറ്റ് തിരഞ്ഞെടുക്കുക: ‘ഫാസ്‌റ്റാഗ് പ്രൊഫൈല്‍ അപ്‌ഡേറ്റ് ചെയ്യുന്നതുമായി ബന്ധപ്പെട്ട ചോദ്യങ്ങള്‍’ എന്ന് ലേബല്‍ ചെയ്‌തിരിക്കുന്ന ഓപ്ഷൻ ലിസ്റ്റില്‍ നിന്ന് തിരഞ്ഞെടുക്കുക.ഫാസ്ടാഗ് ക്ലോസ് ചെയ്യുക: ‘ഐ വാണ്ട് ടു ക്ലോസ് മൈ ഫാസ്ടാഗ്’ തിരഞ്ഞെടുത്ത് നിർജ്ജീവമാക്കല്‍/ ഡിയാക്ടിവേഷൻ പ്രക്രിയ പൂർത്തിയാക്കാൻ നല്‍കിയിരിക്കുന്ന തുടർന്നുള്ള നിർദ്ദേശങ്ങള്‍ പാലിക്കുക.
ഫാസ്ടാഗ് അക്കൗണ്ടുകളുടെ നേരിട്ടുള്ള കൈമാറ്റം നിലവില്‍ ലഭ്യമല്ല എന്ന് തിരിച്ചറിയുക. ഇതര വിതരണക്കാരെ കോണ്ടാക്‌ട് ചെയ്യുക: പോർട്ടിംഗ് പ്രക്രിയ ആരംഭിക്കുന്നതിന് എച്ച്‌ഡിഎഫ്‌സി (HDFC) അല്ലെങ്കില്‍ ഐസിഐസിഐ (ICICI) ബാങ്ക് പോലുള്ള ഇതര ഫാസ്ടാഗ് ഇഷ്യൂ ചെയ്യുന്ന പ്രൊവൈഡർമാരുമായി ബന്ധപ്പെടുക.
ട്രാൻസ്ഫർ: നിലവിലുള്ള പ്രൊവൈഡറില്‍ നിന്ന് സ്വിച്ച്‌ ചെയ്യാനുള്ള ഉദ്ദേശം പുതിയ ഇഷ്യുവറെ അറിയിക്കുകയും വാഹന രജിസ്ട്രേഷൻ വിവരങ്ങള്‍ ഉള്‍പ്പെടെ ആവശ്യമായ വിശദാംശങ്ങള്‍ അവർക്ക് നല്‍കുകയും ചെയ്യുക. പുതിയ ഇഷ്യൂവറുമായി സഹകരിക്കുക: ഫാസ്ടാഗ് അക്കൗണ്ടിൻ്റെ തടസ്സമില്ലാത്ത കൈമാറ്റത്തിനായി പുതിയ ഇഷ്യൂവർ ഏതെങ്കിലും അധിക നിർദ്ദേശങ്ങള്‍ നല്‍കുകയാണെങ്കില്‍ അവയും പാലിക്കുക. ഈ ഘട്ടം ഘട്ടമായുള്ള ഗൈഡുകള്‍ പാലിക്കുന്നതിലൂടെ, ഉപഭോക്താക്കള്‍ക്ക് ഫാസ്ടാഗ് അക്കൗണ്ടുകള്‍ നിർജ്ജീവമാക്കുന്നതിനോ/ ഡിയാക്ടിവേറ്റ് ചെയ്യുന്നതിനോ കഴിയും.
