ആലപ്പുഴ: ബൈപ്പാസില് കാറുകള് കൂട്ടിയിടിച്ച് രണ്ടുപേര് മരിച്ചു. എറണാകുളം സ്വദേശികളായ ബാബു (40), സുനില് (40) എന്നിവരാണ് മരിച്ചത്. ഗുരുതരമായി പരിക്കേറ്റ മില്ട്ടണ്, ജോസഫ് എന്നിവരെ ആലപ്പുഴ മെഡിക്കല് കോളേജ് ആശുപത്രിയില് പ്രവേശിപ്പിച്ചു.
ബാപ്പു വൈദ്യര് ജംഗ്ഷന് ഭാഗത്ത് പുലര്ച്ചെ രണ്ട് മണിയോടെ ആയിരുന്നു അപകടമുണ്ടായത്. പൊലീസും അഗ്നിശമന സേനയും കാര് വെട്ടിപ്പൊളിച്ചാണ് നാല് പേരെയും പുറത്തെടുത്തത്. കാറുകള് ഏകദേശം പൂര്ണമായും തകര്ന്ന നിലയിലാണ്. അപകടത്തെത്തുടര്ന്ന് ബൈപ്പാസില് ഗതാഗതം തടസപ്പെട്ടു.