എയര് റൈഫിളില് ദിവ്യാന്ഷ് സിംഗ് പന്വാറിന് സ്വര്ണം
ഡേഗു: ദക്ഷിണ കൊറിയയിലെ ഡേഗുവില് നടക്കുന്ന ഏഷ്യന് എയര്ഗണ് ചാമ്പ്യന്ഷിപ്പ് 2022-ല് ജൂനിയര് പുരുഷന്മാരുടെ 10 മീറ്റര് എയര് റൈഫിള് ഫൈനലില് ടോക്കിയോ ഒളിമ്പ്യന് ദിവ്യാന്ഷ് സിംഗ് പന്വാര് സ്വര്ണം നേടി.
എയര്ഗണ് ഷൂട്ടിംഗ് ചാമ്പ്യന്ഷിപ്പില് ജൂനിയര്, യൂത്ത്, സീനിയര് എന്നീ വിഭാഗങ്ങളില് എയര് റൈഫിള്, എയര് പിസ്റ്റള് മത്സരങ്ങളാണ് ഡേഗു ഇന്റര്നാഷണല് ഷൂട്ടിംഗ് റേഞ്ചില് നടക്കുന്നത്.
260.7 പോയിന്റുമായി റാങ്കിംഗ് റൗണ്ടില് ആധിപത്യം പുലര്ത്തിയ ദിവ്യാന്ഷ് സിംഗ് പന്വാര് ചാമ്പ്യന്ഷിപ്പ് മത്സരത്തില് ദക്ഷിണ കൊറിയയുടെ സിയുങ്ഹോ ബാംഗിനെ 17-9 നാണ് പരാജയപ്പെടുത്തിയത്. റാങ്കിംഗ് റൗണ്ടില് 260.1 പോയിന്റുമായി ബാംഗ്, പന്വാറിന് പിന്നാലെ രണ്ടംഗ ഫൈനലിന് യോഗ്യത നേടി. ശ്രീ കാര്ത്തിക് ശബരി രാജ് മൂന്നാം സ്ഥാനത്തെത്തി 258.8 പോയിന്റുമായി വെങ്കലം നേടി.