ഇടതുപക്ഷത്തിന്റെ കരുത്ത് വയലുകളിലും, ഫാക്ടറികളിലുമാണ് : യെച്ചൂരി

കൊൽക്കത്ത : ഇന്ത്യയിലെ ഇടതുപക്ഷം ഭൂരിഭാഗം യുവാക്കളെയും ആകർഷിച്ചു കൊണ്ട് വളരുകയാണെന്ന് സിപിഐഎം ജനറല്‍ സെക്രട്ടറി സീതാറാം യെച്ചൂരി. ഇന്ത്യാ ടുഡേ കോണ്‍ക്ലേവിലാണ് യെച്ചൂരിയുടെ പ്രതികരണം.

‘ ഞങ്ങൾ ഇടതുപക്ഷത്തിന്റെ കരുത്ത് കൃഷിയിടങ്ങളിലും വയലുകളിലും ഫാക്ടറികളിലുമാണ്. അതുകൊണ്ടാണ് അവർ ബിജെപി ഞങ്ങളെ ഭയപ്പെടുന്നത്,‘ – യെച്ചൂരി പറഞ്ഞു

ഇന്ത്യ സ്വാതന്ത്ര്യം നേടിയപ്പോൾ മഹാത്മാഗാന്ധി ചെങ്കോട്ടയിലല്ല, ബംഗാളിലായിരുന്നു.ഇത്തവണ നടക്കുന്ന ബംഗാൾ നിയമസഭാ തെരഞ്ഞെടുപ്പിൽ ഇടതുപക്ഷ ജനാധിപത്യ മതനിരപേക്ഷ ബദൽമുന്നണി കരുത്ത്‌ തെളിയിക്കും . ഇക്കാര്യത്തിൽ സഹകരിക്കാൻ താൽപര്യമുള്ള എല്ലാ കക്ഷികളെയും സ്വാഗതം ചെയ്യുന്നുവെന്നും യെച്ചൂരി പറഞ്ഞു.