സിന്ധുമോള് ആര്
ചെന്നൈ: തമിഴ് നടി വിജയ ലക്ഷ്മി ആത്മഹത്യ ചെയ്യാന് ശ്രമിച്ചു. സമൂഹമാധ്യമങ്ങളിലൂടെയുള്ള അധിക്ഷേപങ്ങളെ തുടര്ന്നാണ് വിജയ ലക്ഷ്മി ആത്മഹത്യ ചെയ്യാന് ശ്രമിച്ചത്. അമിത അളവില് ഗുളിക കഴിച്ച നടിയെ അവശനിലയില് ആശുപത്രിയില് പ്രവേശിപ്പിച്ചു. താന് ആത്മഹത്യ ചെയ്യാന് പോകുവാണെന്ന് ഫേസ്ബുക്കിലൂടെ അറിയിച്ചതിന് പിന്നാലെയാണ് നടിയുടെ ആത്മഹത്യാ ശ്രമം.
നാം തമിഴര് പാര്ട്ടി നേതാവ് സീമാന്, പാണങ്കാട്ട് പാടൈയുടെ ഹരി നാടാര് എന്നിവരുടെ അനുയായികള് തന്നെ നിരന്തരം അപമാനിക്കുന്നതായി വിജയ ലക്ഷ്മി പറയുന്നു. സമൂഹ മാധ്യമങ്ങളിലൂടെ അപമാനിച്ച ഇരുവര്ക്കെതിരെ കടുത്ത ശിക്ഷാനടപടി സ്വീകരിക്കണമെന്നും അവര് ആവശ്യപ്പെട്ടു.
കഴിഞ്ഞ നാലുമാസമായി സീമാനും പാര്ട്ടി അണികളും അപമാനിക്കുന്നതായും കുടുംബത്തെയോര്ത്താണ് പിടിച്ചുനിന്നതെന്നും അവര് പറഞ്ഞു. ഹരിനാടാര് മാധ്യമങ്ങളിലൂടെ വ്യക്തിപരമായി അധിക്ഷേപിക്കുകയായിരുന്നു. ഞാന് രക്തസമ്മര്ദ്ദത്തിെന്റ ഗുളിക കഴിച്ചു. അല്പസമയത്തിന് ശേഷം രക്തസമ്മര്ദം കുറയുമെന്നും താന് മരിക്കുമെന്നും അവര് പറഞ്ഞു. ഇതേ തുടര്ന്ന് വിജയലക്ഷ്മിയെ ചെന്നൈയിലെ ആശുപത്രിയില് പ്രവേശിപ്പിച്ചു.