ശ്രീജ.എസ്
മുംബൈ: റിലയന്സ് ഇന്ഡസ്ട്രീസ് ലിമിറ്റഡ് (ആര്ഐഎല്) വിദേശ നിക്ഷേപങ്ങളുടെ പിന്ബലത്തില് വിപണിയില് പുതുചരിത്രം കുറിച്ചു. 20,000 കോടി യുഎസ് ഡോളര് വിപണിമൂല്യം കൈവരിക്കുന്ന ആദ്യ ഇന്ത്യന് കമ്പനി എന്ന റിക്കാര്ഡ് ആണ് മുകേഷ് അംബാനി സാരഥ്യം വഹിക്കുന്ന ആര്ഐഎല് സ്വന്തമാക്കിയത്. ഇന്നലെ വ്യാപാരവേളയില് ആര്ഐഎല് ഓഹരിവില റിക്കാര്ഡ് ഉയരമായ 2343.90 രൂപയിലെത്തിയതാണു കമ്പനിക്കു നേട്ടമായത്.
റിലയന്സിന്റെ റീട്ടെയ്ല് വിഭാഗത്തില് അമേരിക്കന് കമ്പനി സില്വര് ലേക്ക് 7500 കോടിയുടെ നിക്ഷേപം നടത്തുമെന്ന് പ്രഖ്യാപിച്ചതും കെകെആര്, പിഐഎഫ്, മുബാദല ഇന്വെസ്റ്റ്മെന്റ്, അബുദാബി ഇന്വെസ്റ്റ്മെന്റ് അഥോറിറ്റി തുടങ്ങിയ കമ്പനികള് പണംമുടക്കാന് സന്നദ്ധത അറിയിച്ചതുമാണു റിലയന്സിന്റെ ഓഹരിവില ഉയര്ത്തിയത്. ക്ലോസിംഗില് ആര്ഐഎല് ഓഹരിവില 2314.65 രൂപയിലെത്തിയിരുന്നു.
അമേരിക്കന് ഇ-കൊമേഴ്സ് വമ്പന് ആമസോണിന് 2000 കോടി യുഎസ് ഡോളറിന്റെ ഓഹരിപങ്കാളിത്തം നല്കാന് റിലയന്സ് സന്നദ്ധത അറിയിച്ചതായും റിപ്പോര്ട്ടുകളുണ്ട്.