12 മണിക്കൂര്‍ ചെരിപ്പിട്ട് നടന്നാല്‍ ശമ്പളം 4 ലക്ഷം

ലണ്ടന്‍: കായികമായി അധ്വാനിക്കേണ്ട, മണിക്കൂറുകളോളം കമ്പ്യൂട്ടറിന് മുന്നില്‍ ഇരുന്ന് കണ്ണ് കഴക്കുകയുമില്ല. മാസം നാല് ലക്ഷത്തിലധികം രൂപ ശമ്പളമായും വാങ്ങാം.ഇനി ജോലി എന്താണെന്ന് കൂടി അറിഞ്ഞോളൂ, ചെരിപ്പിട്ട് 12 മണിക്കൂര്‍ ചെലവഴിക്കുക. ഒരു ചെരിപ്പ് കമ്പനിയാണ് പുതിയ തസ്തികയിലേക്ക് അനുയോജ്യരായ ആളുകളെ തേടി പരസ്യം നല്‍കിയത്.കമ്പനിയുടെ പുതിയ മോഡല്‍ ചെരിപ്പ് ധരിച്ച്‌ അതിനെ കുറിച്ചുള്ള അഭിപ്രായം പറയുകയാണ് ജോലി. കമ്പനി നല്‍കുന്ന ചെരുപ്പുകള്‍ പന്ത്രണ്ട് മണിക്കൂര്‍ തുടര്‍ച്ചയായി ധരിക്കണം എന്നുമാത്രം. ബെഡ്റൂം അത്ലറ്റിക്സ് എന്ന കമ്പനിയാണ് പരസ്യം നല്‍കിയിരിക്കുന്നത്.വിദ്യാര്‍ത്ഥികള്‍ക്കും പാര്‍ട്ട് ടൈം ജോലി ചെയ്യുന്നവര്‍ക്കും വീട്ടില്‍ ഇരിക്കുന്നവര്‍ക്കും പറ്റിയ ജോലി എന്ന കുറിപ്പോടെയാണ് കമ്പനിയുടെ പരസ്യം. ചെറിയൊരു തടസ്സമെന്താണെന്നു വച്ചാല്‍ ഇന്ത്യയിലല്ല ജോലി. ബ്രിട്ടനിലാണ് ജോലി ചെയ്യേണ്ടത്.കമ്പനിയുടെ പരസ്യം ഇതിനകം സോഷ്യല്‍മീഡിയയില്‍ വൈറലാണ്. ആകെ രണ്ട് പേര്‍ക്കാണ് ജോലിക്ക് അവസരം ലഭിക്കുക എന്നും കമ്പനി അറിയിച്ചിട്ടുണ്ട്.