കാൽനൂറ്റാണ്ടിന് ശേഷം ലീഗിന് നിയമസഭയിലേക്ക് വനിത സ്ഥാനാർത്ഥി

കോഴിക്കോട്: കാൽനൂറ്റാണ്ടിന് ശേഷം ലീഗിന് നിയമസഭയിലേക്ക് ആദ്യ വനിത സ്ഥാനാർത്ഥി. നൂർബിന റഷീദ് കോഴിക്കോട് സൗത്തിൽ മുസ്ലീംലീഗ് സ്ഥാനാർത്ഥിയാകും. വനിത കമ്മീഷൻ മുൻ അംഗമാണ് നൂർബിന.

കോഴിക്കോട് ഡി സി സി സെക്രട്ടറി ദിനേശ് പെരുമണ്ണ കുന്ദമംഗലത്ത് യുഡിഎഫ് സ്വതന്ത്രൻ ആയി മത്സരിക്കും. പി കെ ഫിറോസ് താനൂരിലും നജീബ് കാന്തപുരം പെരിന്തൽ മണ്ണയിലും തിരൂരങ്ങാടിയിൽ കെ പി എ മജീദും
കൊടുവള്ളിയിൽ എം കെ മുനീറും സ്ഥാനാർത്ഥിയാകും. തിരുവമ്പാടിയിൽ സി പി ചെറിയമുഹമ്മദും അഴീക്കോട് കെ എം ഷാജിയുമാണ് സ്ഥാനാർഥികൾ.

മഞ്ചേരിയിൽ ലീഗ് ജില്ല സെക്രട്ടറി യു എ ലത്തീഫാണ് സ്ഥാനാർത്ഥി. താനൂരിൽ മൊയ്തീൻ കറുക്കോടി കോട്ടക്കലിൽ ആബിദ് ഹുസ്സൈൻ തങ്ങളും കളമശ്ശേരിയിൽ ഇബ്രാഹിം കുഞ്ഞിന്റെ മകൻ മങ്കടയിൽ മഞ്ഞളാംകുഴി അലി മലപ്പുറം പി ഉബൈദുള്ളയും മഞ്ചേശ്വരത്ത് എ കെ എം അഷറഫും സ്ഥാനാർത്ഥികളാണ്.