നടി കങ്കണ റണാവത്തിന്റെ അക്കൗണ്ട് പൂട്ടി ട്വിറ്റര്‍

മുംബൈ : ബോളിവുഡ് നടി കങ്കണ റണാവത്തിന്റെ അക്കൗണ്ട് പൂട്ടി ട്വിറ്റര്‍. ട്വിറ്റര്‍ ചട്ടങ്ങള്‍ക്ക് വിരുദ്ധമായി ട്വീറ്റ് കുറിച്ചതിനെതുടര്‍ന്നാണ് നടപടി.പശ്ചിമബംഗാള്‍ നിയമസഭ തെരഞ്ഞെടുപ്പ് ഫലം പുറത്തുവന്നതിന് പിന്നാലെയുണ്ടായ ആക്രമണങ്ങളെക്കുറിച്ച്‌ നടി അഭിപ്രായങ്ങള്‍ കുറിച്ചിരുന്നു.

ബംഗാളില്‍ മമത നയിക്കുന്ന തൃണമുല്‍ കോണ്‍ഗ്രസ് ജയിച്ചതോടെ അവിടെ രാഷ്ട്രപതി ഭരണം വേണമെന്നാണ് കങ്കണ ആവശ്യപ്പെട്ടത്. ഇതോടെയാണ് അക്കൗണ്ട് ട്വിറ്റര്‍ പൂട്ടിയത്. മുപ്പത് ലക്ഷത്തോളം ഫോളോവേഴ്‌സ് ആണ് കങ്കണയ്ക്ക് ട്വിറ്ററില്‍ ഉണ്ടായിരുന്നത്.